Шымкентте коронавирусқа қарсы профилактикалық жұмыстар күшейді

0
997

Алдын алу шаралары Шымкент қаласы ТЖД басшылығының қатаң бақылауында.


Шымкентте коронавирусқа қарсы профилактикалық жұмыстар күшейді

Елімізде жарияланған төтенше жағдайға байланысты, сақтық шаралары қатаң қолға алынды, деп хабарлайды ERNUR.KZ.

Шымкент қаласының Төтенше жағдайлар департаменті мен оның құрылымдық бөлімшелерінде коронавирусты инфекцияның алдын алу үшін аумақтар мен нысандарды дезинфекциялауға кірісті. Бұл жұмысқа санитарлық-эпидемиологиялық қызмет қосылған, ол арнайы құралдарды пайдалана отырып, өрт техникасын, үй-жайлар мен жабдықтарды мұқият дезинфекциялауын жүргізді.

Ылғалды тазалауды тұрақты жүргізудің маңыздылығын ескере отырып, департаменттің техникалық қызметкерлері қанатқақты, баспалдақ аралықтарын, есіктерді және барлық жанасу орындарын дезинфекциялау құралдарымен өңдейді. Жеке құрам жеке гигиена ережелерін қатаң сақтайды, дезинфекциялық құралдары бар дозаторлар сатып алынды және орнатылды.

Бұл алдын алу шаралары Шымкент қаласы ТЖД басшылығының қатаң бақылауында.