Шымкентте мал ұрылары қолға түсті

0
814

Полиция қызметкерлері мал ұрлау жайттары орын алған жағдайда полицияға уақытылы хабарласу қажеттігін ескертеді.


Шымкентте мал ұрылары қолға түсті

Жергілікті қала тұрғыны ағымдағы жылдың 24 ақпан күні екі бас ірі қара малы жоғалғандығы туралы арызданған тұрғынның қара малы табылып, иесіне қайтарылды, деп хабарлайды ERNUR.KZ.

Шымкент қаласы Полиция департаментінің қызметкерлері ағымдағы жылдың 24-28 ақпан аралығында «Мал ұрысы» жедел-профилактикалық іс-шарасын өткізуде. Кең ауқымды іс-шара осы салада жасалатын қылмыстардың бетін ашу мен осы бағыттағы жұмыстарды барынша жетілдіру және ұрланған малды жөнелтетін арнайы арналарды анықтау мақсатында жүргізілуде.

Шара барысында қала аумағында орналасқан 48 сауда орталықтары және басқа да ет павильондары мен мал сою бекеттері, сондай-ақ мал және мал етін тасымалдаушы 35 автокөліктің құжаттары тексерілді. Жедел-профилактикалық іс-шараның екі күндік қорытындысы бойынша жалпы үш мал ұрлығы дерегі ашылды.
Полиция қызметкерлері мал ұрлау жайттары орын алған жағдайда полицияға уақытылы хабарласу қажеттігін ескертеді.