Шымкенттік полиция қызметінің автокөлігі "Toyota Camry" маркалы автокөлікпен соқтығысқан.
Шымкентте жергілікті полиция қызметінің автокөлігі жол апатына ұшырап аударылды, деп хабарлайды ERNUR.KZ.
Бүгін Шымкент қаласының полиция қызметкерлері Жібек-Жолы мен Ж.Аймауытов көшелерінің қиылысында орын алған жол-көлік оқиғасын анықтады.
Онда Жібек-Жолы көшесінің бойымен Т.Рысқұлов көшесі жағынан Ж.Аймауытов көшесіне қарай жүріп келе жатқан "Toyota Camry" маркалы автокөлік жол бермей, Жібек-Жолы көшесімен Т.Рысқұлов көшесіне қарай қарсы бағытта келе жатқан Жергілікті полиция қызметінің "JAC S5" маркалы автокөлігімен соқтығысқан.
Жол-көлік оқиғасының салдарынан екі автокөлікке де материалдық шығын келтірілген. Медициналық көмек көрсетілгеннен кейін жүргізушілер үйлеріне қайтарылған. Автокөліктерде жолаушылар болмаған.
"Toyota Camry" автокөлігінің жүргізушісіне қатысты ҚР ӘҚБтК-нің 610-бабы 2-бөлігімен әкімшілік хаттама толтырылды.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
