Шымкентте сот төрағасы «SHANYRAQ» орталығында қала тұрғындарын қабылдады

0
1 798

Сот төрағасы алимент өндіру үшін қайда барып, қандай шара қолдануға болатынын баяндады.


Шымкентте сот төрағасы «SHANYRAQ» орталығында қала тұрғындарын қабылдады

Шымкентте сот төрағасы «SHANYRAQ» орталығында қоғамдық қабылдау жүргізді, деп хабарлайды ERNUR.KZ.

Қоғамдық қабылдаулар кестесіне сай «SHANYRAQ» Отбасы институтын қолдау орталығында Шымкент қаласының кәмелетке толмағандардың істері жөніндегі мамандандырылған ауданаралық сотының төрағасы Дәурен Сайханов қабылдау жүргізді.
Орталыққа өз қиындығымен келетін аналардың ең бір өзекті мәселесінің бірі – алимент өндіру. Ажырасу белең алуының салдарынан алимент өндіру де көбейіп отыр. Баланың әкесінен алимент өндіре алмай жүрген аналар үшін сот төрағасы алимент өндіру үшін қайда барып, қандай шара қолдануға болатынын баяндады.
Егер алимент бойынша сот шешімі шығып, сот орындаушысы алимент төлеушіге тиісті құжаттарды тапсырған күннен бастап үш ай өтсе, бірақ алимент төленбесе алимент өндіруші бірінші кезекте сот орындаушыдан алимент қарызы туралы қаулы алады, екіншіден жергілікті полиция бөлімшесіне барып, ҚР Қылмыстық кодексінің 139 бабы бойынша борышкерді жауапкершілікке тарту туралы арызданады.
«Өз перзенттерінің алдындағы міндетін орындаудан бас тартып жүрген адамды нақты жазаға тартуға болады. Және осы заң талабын қолданып, полицияға арызданудан қорықпау керек. Алименттен жалтару да қылмыс құрамы бар әрекетке жатады», – деді Д.Сайханов.