Өртті сөндіруге 6 өрт сөндіру техникасы жұмылдырылды.
Шымкент қаласындағы айналма үй фотостудиясынан өрт шықты, деп хабарлайды ERNUR.KZ.
Бұл туралы Шымкент қаласы Төтенше жағдайлар Департаментінің баспасөз қызметі мәлімдеді.
20 қаңтар күні сағат 18:24-те Шымкент қаласындағы «Қиял Әлемі» саябағының аумағында жалпы көлемі 150 шаршы метр айналма үй фотостудиясының 15 шаршы метр төбе жаппасы жанды.
Өрт сағат 18:34-те оқшауланып, сағат 18:51-де толығымен сөндірілді. Зардап шеккендер мен қайтыс болғандар жоқ.
Қазіргі таңда өрттің шығу себебі анықталуда. Өртті сөндіруге 6 өрт сөндіру техникасы, жеке құрамнан 23 адам, апаттар медициналық орталығының қызметкерлері жұмылдырылды.