Шымкенттік ауданда жарты жылда ашылған қылмыстар белгілі болды

0
1 417

2018 жылдың 6 айы көлемінде Шымкент қаласы Әл-Фараби ауданында орын алған құқықбұзушылықтар саны былтырғы жылдың сәйкес кезеңімен салыстырғанда 15-9 пайызға төмендеген.


Шымкенттік ауданда жарты жылда ашылған қылмыстар белгілі болды

ERNUR.KZ. Шымкент қаласы Әл-Фараби ауданының полицейлері халық алдында есеп берді, деп хабарлайды ERNUR.KZ Түркістан облыстық ІІД Мемлекеттік тіл және ақпарат басқармасының баспасөз қызметіне сілтеме жасап.

2018 жылғы 26 шілде күні Шымкент ҚІІБ Әл-Фараби полиция бөлімінің үстіміздегі жылдың 6 айы көлемінде атқарған жедел – қызметтік жұмыстарының қорытындысы және халыққа есеп беру жиналысы болып өтті.

Аталған жиынға Әл-Фараби ауданының әкімі Ғ.Мәуленқұлов, Шымкент қ. ІІД бастығының орынбасары полиция полковнигі С.Абдуллаев, Әл-Фараби полиция бөлімінің жеке құрамы мен қоғам белсенділері, сондай –ақ жергілікті тұрғындар қатысты.

Атап өтсек, 2018 жылдың 6 айы көлемінде Шымкент қаласы Әл-Фараби ауданында орын алған құқықбұзушылықтар саны былтырғы жылдың сәйкес кезеңімен салыстырғанда 15-9 пайызға төмендеген. Соның ішінде ауыр қылмыстар – 25,0, тонау қылмыстары - 24,4, бұзақылық - 9,7, ұрлық қылмыстары -18,2, пәтер ұрлықтары – 16,7 пайызға азайған.

Есеп беру мерзімінде қылмыстардың ашылу көрсеткіші жақсарған, яғни аса ауыр және ауыр қылмыстардың ашылуы 100 пайызды құраған.

Ал есірткі заттарының заңсыз айналымының жолын кесу бойынша бірқатар жұмыстар атқарылып, нәтижесінде 23 дерек анықталған. Соның ішінде есірткі сатудың 17 дерегі әшкереленген. Сондай-ақ, 2018 жылдың 6 айында Жергілікті полиция өкілдерімен жалпы 5316 әкімшілік хаттама толтырылып, 19 631 000 теңге көлемінде айыппұл салынған. Ал оның 11 880 000 теңгесі мемлекеттік бюджетке өндірілген.

Сонымен қатар, көші – қон қызметі бөлімшесімен есептік мерзімде жедел – сауықтыру және күнделікті жұмыстар нәтижесінде Қазақстан Республикасының Көші –қон заңдылығын өрескел бұзған барлығы – 61 шетелдік сот шешімімен ҚР аумағынан шығарылған. Жалпы салынған 2 122 000 теңге айыппұлдың барлығы мемлекет қазынасына өндірілген.

Айта кетейік, жиында халыққа осылай деп есеп берген Әл –Фараби полиция бөлімінің бастығы полиция полковнигі Сейтжомарт Сейтхан жиналған халықтың көкейінде жүрген сұрақтарына жауап беріп, халықты мазалаған мәселелердің ешбірі де жауапсыз қалмайтынын баса айтты.