Полиция қызметкері уақытша ұстау абақтысына қамауға алынды.
иллюстрациялық сурет: ашық дереккөзден
Шымкенттік полицей 2 миллион теңге пара алу кезінде ұсталды, деп хабарлайды ERNUR.KZ.
Бұл туралы Шымкент қаласы полиция департаментінің баспасөз қызметі мәлімдеді.
Ведомство мәліметінше, 25-желтоқсан күні Абай АПБ-ның қызметкері алаяқтық қылмысына қатысы бар азаматшаға Қаратау аудандық соты үкімінің оң шешілуіне жәрдемдесу үшін 2 миллион теңге көлемінде қаражат алу барысында ұсталған.
"Бұл факты бойынша Полиция департаментінің өзіндік қауіпсіздік басқармасы ҚР ҚК-тің 190-бабымен “Алаяқтық” қылмыстық іс тіркеді", - делінген баспасөз хабарламасында.
Құқық бұзушылықты жасаған қызметкер уақытша ұстау абақтысына қамауға алынды. Қазіргі таңда сотқа дейінгі тергеп-тексеру әрекеттері жүргізілуде.
