ШЫМКЕНТТІҢ ҚҰРМЕТТІ АЗАМАТЫ - Қайрат Нұртас қалада тегін жүретін болды

0
4 442

"Шымкент қаласының құрметті азаматы" атағы жылына 10 адамға беріледі.


ШЫМКЕНТТІҢ ҚҰРМЕТТІ АЗАМАТЫ - Қайрат Нұртас қалада тегін жүретін болды

ERNUR.KZ. Танымал қазақстандық әнші Қайрат Нұртас "Шымкент қаласының құрметті азаматы" атанды. Шымкент қалалық мәслихатының кезектен тыс 50-сессиясында шаһардың бірнеше тұрғынына мәртебелі атақ беру туралы шешімді депутаттар бірауыздан қабылдады. "Құрметті азамат" атанғандардың арасында Рәшкүл Оспанәлиева, Қайрат Молдасейітов, Еркін Сатқанбаев, Наталья Романова, Қайрат Нұртас бар, деп жазады otyrar.kz.

"Мұндай статусқа ие болғандар әзірге тек қоғамдық көліктерде тегін қатынайды және арнайы аллеяда есімдері жазылған тақтайша ілінеді", - деп жазды портал.

Айта кетейік, "Шымкент қаласының құрметті азаматы" атағы жылына бір рет салтанатты түрде 10 адамға тапсырылады. Мұндай атақ шаһарды дамытуға айрықша еңбегі сіңген, мемлекеттік және қоғамдық қызметте жетістігі бар, шығармашылықта, бизнесте, спортта, қайырымдылық шараларында белсенділік танытып жүрген азаматтарға беріледі.