Науқастардың басым көпшілігі жастар.
иллюстрациялық сурет: ашық дереккөзден
Шымкент қаласында коронавирус инфекциясымен ауырып жатқандардың басым көпшілігі жастар болып отыр, деп хабарлайды ERNUR.KZ.
Бұл туралы қалалық денсаулық сақтау басқармасының басшысы Бақытжан Позилов шаһар тұрғындарына видео-үндеу жасап, дабыл қақты.
Видеода науқастардың ауыр жағдайда жатқанын байқауға болады.
Басқарма басшысы Асар мөлтек ауданындағы инфекциялық ауруханада жағдайдың өте нашар екенін жеткізді. Сонымен қоса науқастардың басым көпшілігі 25-40 аралығындағы жастар екенін айтып дабыл қақты. Инфекциялық аурухананың реанимация бөлімшесіндегі науқастардың өте ауыр жағдайда екенін айтты.
"Осы ретте барлықтарыңызды өмірлеріңізді қауіп-қатерге тікпей ертерек коронавирусқа қарсы вакцина салуға шақырамын", - деді Бақытжан Позилов өзінің видео-үндеуінде.
