5:0. Исламхан арабиялық клуб сапындағы бірінші ойында нәтижелі пас шығарды (видео)

0
911

Қазақстандық футболшы алаңға 71-минутта есеп 3:0 кезінде шықты.


5:0. Исламхан арабиялық клуб сапындағы бірінші ойында нәтижелі пас шығарды (видео)

ERNUR.KZ. Қазақстан құрамасының капитаны әрі алматылық "Қайрат" клубының экс-шабуылшысы Бауыржан Исламхан БАӘ чемпионатында "Әл-Айн" сапында бірінші ойынға қатысты, деп жазады Vesti.kz.

Қазақстандық футболшының командасы "Әл-Васла" клубын өз алаңында қабылдады. Қазақстандық футболшы алаңға 71-минутта есеп 3:0 ("Әл-Айн" пайдасына - авт. түсіндірмесі) кезінде шықты.

Исламхан алаңға шыққаннан кейін "Әл-Айн" тағы екі жауапсыз гол салды, нәтижесінде ойын 5:0 есебімен аяқталды. Сондай-ақ, алаң иелері бір ойыншыға кем ойнады. Қазақстандық футболшы ойын барысында нәтижелі пас шығарды.

Келесі ойында "Әл-Айн" өз алаңында "Әл-Шардж" клубының ойыншыларын қабылдайды. 27 ұпай жинаған Исламханның командасы жалпы есепте екінші орында келеді, ал қонақтар 24 ұпаймен төртінші орында тұр. Ойын 7 ақпанда Нұр-Сұлтан уақыты бойынша 22:15-те басталады.

"Әл-Айн" Исламханмен келісімшартқа отырғаны туралы 31 қаңтар жарияланды. Жаңа клубта қазақстандық сегізінші нөмірде өнер көрсетеді. Бауыржан Исламхан "Әл-Айн" футболшысы ретінде алғаш сұхбат беріп, жаңа клубпен жаттығу жасап үлгерді. Ол БАӘ чемпионатының ең қымбат ойыншыларының ондығына кірді.