Шетелдіктер маманның кәсібилігін бағалап отыр.
ERNUR.KZ. Алғашқы орта салмақта жұдырықтасатын қазақстандық Батыр Жүкембаевтың (14-0, 12 КО) бапкері Қанат Алтаевқа Канадада қызығушылық танытып отыр, деп хабарлайды Vesti.kz.
Боксшының командасында Eye of the Tiger Management промоутерлік компаниясының өкілдері бапкердің кәсібилігін бағалап, Канадада өзге боксшыларды жаттықтыруды ұсынған.
Қазір Алтаев Жүкембаевты мексикалық Карлос Хименеспен (14-9-1, 8 КО) жекпе-жекке жаттықтырып жатыр, кездесу 16 наурыз Монреальда өтеді. Бұл жекпе-жек бокс кешінің басты оқиғаларының бірі ретінде жарияланды.
Мұның алдында Жүкембаев осы жекпе-жектен кейін АҚШ-та жұдырықтаса бастауы мүмкін екені хабарланған. Боксшының менеджері Анна Рева биылдан қалмай америкалық нарыққа шығатын жоспарлары барын мәлімдеді.
