ФУТБОЛ: БҚО-ның «Ақжайығы» Түркияға аттанды

Футболдан биыл Қазақстан чемпионатының Бірінші Лигасында өнер көрсететін «Ақжайық» командасы маусым алдындағы дайындық жұмыстарын пысықтау мақсатында Түркияға аттанды, деп хабарлайды ERNUR.KZ клубтың баспасөз қызметіне сілтеме жасап.

Анадолыда команда оқу-жаттығу жиынын өткізіп, құрамын нақтылайтын болады. Премьер Лигаға қайта оралуды мақсат ететін клуб жаттығу жиындары барысында бірнеше шетелдік командалармен жолдастық кездесу өткізуді жоспарлаған. Сондай-ақ, қаралымға келген ойыншыларды да тексеріп көрмек. Оқу-жаттығу жиынына аттанған «Ақжайық» ойыншылары:

Қақпашылар: Александр Удалов, Сергей Ткачук.

Қорғаушылар: Бауыржан Омаров,Максим Литвинов, Арман Мұрат, Евгений Рафиков, Владимир Покатилов.

Жартылай қорғаушылар: Руслан Хаиров, Магоммед Оджиев, Шыңғыс Сапарбекұлы, Әділет Болатов.

Шабуылшылар: Алексей Мальцев, Ержан Ибрагимов, Даниил Кочнев.