Головкин – Шеремета жекпе-жегі қашан өтеді

ERNUR.KZ. IBF титулына үміткер поляк боксшысы Камил Шереметаның промоутері Анджей Василевски қазақстандық Геннадий Головкинмен жекпе-жек қашан өтетінін айтты, деп жазды Prosports.kz.

«Мен Геннадий Головкиннің командасымен байланыстамын. Біз қазанның екінші немесе үшінші сенбісінде немесе қарашаның бірінші сенбісінде жекпе-жек өтеді деп жоспарлап отырмыз. Бірақ бізде ешқандай сенімділіктің болмауы қорқынышты. Себебі бәрі өзгеріп кетуі мүмкін», - деді Василевски.

Бұған дейін промоутер Эдди Херн Головкин – Шеремета жекпе-жегінің тамыз айында өтуі мүмкін екенін мәлімдеген.