Ковалев пен Альварес жекпе-жек үшін қанша гонорар алатыны белгілі болды

ERNUR.KZ. Жартылай ауыр салмақта WBO тұжырымы бойынша әлем чемпионы ресейлік боксшы Сергей Ковалев мексикалық Сауль Альвареспен өтетін жекпе-жегі үшін үш миллион доллар гонорар алады, деп жазады Тengrinews.kz.

Невада штатының атлетикалық комиссиясы (NSAC) орта салмақта WBC (Franchise) және WBA (Super) чемпионы мексикалық Сауль "Канело" Альварес (52-1-2, 35 КО) пен жартылай ауыр салмақта WBO белбеуін ие Сергей Ковалев (34-3-1, 29 КО) жекпе-жек үшін қанша гонорар алатынын жариялады.

Осылайша, мексикалық бұл кездесуі үшін 35 миллион доллар, ал ресейлік үш миллион ғана алады екен.

Еске салайық, Лас-Вегаста өтетін бұл жекпе-жекте ресейлікке тиесілі WBO титулы сарапқа салынады. Қазақстан астанасының уақытымен бокс кеші 3 қараша таңғысын болады.