Күрестен әлем чемпионаты: Екі балуан жұбаныш белдесуіне қатысады

ERNUR.KZ. Әйелдер күресінен Қазақстан командасының өкілдері Асылзат Сағымбай мен Айна Теміртасова әлем чемпионатында жұбаныш белдесуіне қатысады, деп жазады olympic.kz.

53 келідегі Асылзат Сағымбай бірінші айналымда молдовалық Юлия Леордадан ұтылған болатын.

Ал 65 келідегі Айна Теміртасова ширек финалда жапондық Мива Морикаваға есе жіберді.

Өз кезегінде Леорда мен Морикава финалға жолдама алды. Осылайша, қазақстандық балуандар жұбаныш белдесуіне қатысу мүмкіндігін алды.