Франция Қазақстанмен болатын кездесуге әлемдегі ең қымбат ойыншыны алып келді.
ERNUR.KZ. Футболдан қазіргі әлем чемпионы Франция құрамасы Қазақстанға ұшып келді, деп жазады Vesti.kz.
28 наурызда Франция құрамасы "Әлем чемпионаты - 2022" іріктеу кезеңінде Қазақстанға қарсы ойын өткізеді. Елордаға команданың барлық жұлдызды ойыншысы, соның ішінде ПСЖ-дан Киллиан Мбаппе, "Барселонадан" Антуан Гризманн және "Манчестер Юнайтедтен" Пол Погба келді. Олар да Қазақстан құрамасына қарсы матчте өнер көрсетеді.
Ойын 28 наурызда сағат 19.00-де көрермендерсіз өтеді. Оны Kazsport телеарнасы тікелей эфирде көрсетеді.
Бүгін, 27 наурызда Франция құрамасы матч қарсаңында "Астана Аренада" жаттығу өткізеді.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
