"Ордабасы" Алматыда жеңіліп қалды

Футболдан Қазақстан премьер лигасының 9 - тур ойындары өтті. Шымкенттің "Ордабасы" клубы Алматыда "Қайрат"қа қарсы алаңға шықты. Матчта алаң қожайындары фаворит есептеліп, олар 18 - минутта есепті ашты. Гол авторы Исаэл. Бірінші таймда Георги Дерменджиевтің шәкірттері таразы басын теңестіруге тырысты. Бірақ, алматылық қорғаушылар қатесіз ойын көрсетті. Ойындағы екінші гол 70 - минутта тағы "Ордабасы"ның қақпасына соғылды. Бұл жолы Сильвейра атын таблоға жаздырды. Осылайша "Қайрат" клубы 2:0 есебімен жеңіске жетті.