Қазақстан Токиодағы Паралимпиадалық ойындардан алғашқы алтын медалін алды.
ERNUR.KZ. Токиода өтіп жатқан Паралимпиада ойындарында Қазақстан командасы алғашқы алтынын иеленді, деп жазады Olympic.kz.
Пауэрлифтингтен ерлер арасында 54 келіге дейінгі салмақта сынға түскен Давид Дегтярев Паралимпиада чемпионы атанды.
Ол өзінің үздік нәтижесінде 174 келіні көтеріп, алтын медаль жеңіп алды.
Күмісті франциялық А. Борлоун, қоланы грекиялық Д. Бакорхристос иеленді.
Айта кетелік, Токиодағы Паралимпиада ойындарында Қазақстан намысын 25 атлет қорғап жатыр.
