«А» тобының екінші матчы 15 маусым күні Мысыр мен Уругвай арасында өтеді.
фото travel-new.ru
ERNUR.KZ.Ресейде футбол Әлем чемпионаты турнир қожайындары мен Сауд Аравия құрама командаларының ойынымен басталды, деп хабарлайды ERNUR.KZ. тілшісі.
Кездесудің басынан жылдам шабуылдар ұйымдастырған алаң қожайындары 12-минутта есепті ашты.
Юрий Газинский басымен соққы бағыттап турнирдегі алғашқы голдың авторы атанды.
43-минутта ресейліктер екінші голды да соқты. Бұл жолы Денис Черышев мүмкіндікті мүлт жібермеді.
Осы орайда айта кетсек, Черышев 24-минутта жарақат алған Алан Дзогоевтың орнына алаңға шыққан болатын.
71-минутта Артем Дзюба қосалқы құрамнан алаңға шыға салып, командасының 3-голының авторы атанды. Қалған минуттарда Черышев дублге қол жеткізсе, матч соңында Александр Головин айып добынан гол соғып Ресей құрама командасына 5:0 есебіндегі жеңісті келтірді.
«А» тобының екінші матчы 15 маусым күні Мысыр мен Уругвай арасында өтеді.
