Роналдудың Instagram-нан түсетін табысы «Ювентустегі» жалақысынан көп

ERNUR.KZ. «Ювентустің» шабуылшысы Криштиану Роналдудың Instagram парақшасынан түсетін табысы жалақысынан көп, деп хабарлайды «Хабар 24».

La Gazzetta dello Sport басылымының мәліметінше, португалиялық футболшы бір жылда 49 жарнамалық пост жариялап, әрқайсысы үшін 900 000 еуро алған. Осылайша Роналду 2018 жылы 44,1 миллион еуро пайда тапқан. Ал оның «Ювентустегі» жылдық табысы 30 миллион еуроны құрайды.

«Барселонаның» шабуылшысы Лионель Месси 21,2 миллион еуро табыс түсірген. Сондай-ақ спортшылардың ішінен Дэвид Бекхэм (4 орын) мен Неймар (6 орын) рейтингіден орын алды.