​Шымкентте теннис турнирі аяқталды

0
1 151

Финалда шымкенттік теннистен спорт шебері Дастанбек Ташполатов пен түркиялық Сенгюл Бора кортқа шықты.


​Шымкентте теннис турнирі аяқталды

ERNUR.KZ. Шымкент қаласындағы Ұлттық теннис орталығында «Shymkent ITF International Junior Tournament» халықаралық турнирінің ақтық ойындары өтті, деп хабарлайды ERNUR.KZ тілшісі.

Халықаралық турнирге 9 мемлекеттен (Австралия, Түркия, Ресей, Ұлыбритания, Швеция, Өзбекстан, Үндістан, Жапония, Қазақстан) 100-ден аса спортшылар бақ сынады.

Финалда шымкенттік теннистен спорт шебері Дастанбек Ташполатов пен түркиялық Сенгюл Бора кортқа шықты. Бірінші сетте Дастанбек бірнеше рет қателікке бой алдырды. Нәтижесінде ол 3:6 есебімен жеңіліп қалды. Бірақ, қалған екі партияда отандасымыз мүмкіндікті қолдан шығармай қатарынан екі рет басым түсті, есеп - 6:2, 6:3. Осылайша Дастанбек Ташполатов турнирдің жеңімпазы атанды.

Қыздар арасында Диана Шнайдер қарсыласы Анна Лытневадан 6:1,6:2 есептерімен басым түсті.