Қазақстан үшін бұл тарихтағы ең жоғары және айтулы жетістік.
ERNUR.KZ. Қазақстанның бірінші ракеткасы 20 жастағы Елена Рыбакина Ресейдің Санкт-Петербург қаласындағы WTA Premier турнирінің қорытындысы бойынша Әйелдер теннис қауымдастығының рейтингінде 19-шы орынға көтерілді, деп жазады baq.kz.
Осыған дейін Қазақстанның өкілдері үздік жиырмада болған емес. Қазақстан үшін бұл тарихтағы ең жоғары және айтулы жетістік.
Айта кетейік, ұзақ уақыт бойы WTA рейтингісінде Қазақстанның рекорды 25-ші орын болды, оған 2012 жылғы 29 қазанда Ярослава Шведова көтерілген еді, ал 2020 жылғы 29 қаңтарда Рыбакина бұл жетістікті қайталады.
Еске салайық, турнирдің жартылай финалында Рыбакина Грециядан келген Мария Саккариді жеңді (3:6, 7:5, 6:1). Қазіргі уақытта ол әлемнің 25-ші ракеткасы, бірақ келесі рейтингте алты сатыға көтеріліп, WTA-да Қазақстанның жаңа рекордын орнатады.
Сонымен қатар, Рыбакина 2020 жылы WTA турнирінің финалына үш рет шықты, енді спорттық мансабындағы ұйымның үшінші атағын ұтып алуына мүмкіндік бар. St. Petersburg Ladies Trophy финалына қазақстандық спортшының қарсыласы Нидерланд елінің ракеткасы Кики Берте немесе ресейлік Екатерина Александрова болады.
