Шетелдік әйелдер дегенде алдымен көз алдымызға өзіне нық сенімді, өз табысы бар, білімді, сұлулық салонына, фитнес клубқа барып тұратын көңілі тоқ, көйлегі көк әйел келеді.
Ендеше әлем елдерінде әйелді қалай бағалайтынын, әйелдерге қатысты нендей салт ұстанатынын, қаншалықты құрмет тұтатыны қызық болар?!
Шотландия - Шотландықтардың үйлену алдындағы дәстүрлері тіптен ерекше. Күйеу жақтың туыстары тойдан бір күн бұрын тұздықты, кеспені, сәбізді, қышқыл сүтті, майды және тағы да басқа көптеген тамақтарды араластырып ботқа жасайды да, қалыңдықтың үстіне «байқаусызда» құйып жібереді. Есін жинап үлгермеген болашақ келіндерін жуындырмастан, ауыл-аймақты айналдырып жүргізеді. Үсті-басы әбден былғанған келінді адамның көбірек көргені жақсы ырым саналады. Мұның мәні – басынан мұндай қиындықты өткерген әйел отбасылық өмірде кездесетін барлық кедергілерге төтеп береді деген сенімдерінде екен.
Аустралия. Бұл елдің үйлену рәсімі қарапайым болғанымен, жігіттеріне қалыңдық табу қиынға соғады екен. Себебі үйленуге дайынмын деген жігіт қолына тоқпақ алып, қалыңдық іздейді, ал өзіне лайық жар болатын қызды тапқан соң, тоқпағының көмегімен ұрып талдырады. Есін жиған соң мән-жайды түсіндіріп, болашақ қайын жұртымен таныстырады.
Қытай – бұл елде демографиялық ахуалға байланысты қолға алынған «бір бала саясаты» бойынша жыл сайын миллионнан астам әйел түсік жасатады екен.Сондықтан мұндағы әйелдердің көбінің денсаулығы тез сыр береді.
Пәкістан - діни қөзқарастарды берік ұстанған ел. Бұл елде қыздан «жоқ» деген сөз естіген жігіт, ол қыздың бетіне кез-келген қышқылды шашып, күйдіріп тастай алады. Сондай-ақ ерте жастағы зорлық пен тұрмыстағы әйелдерді қатаң жазалау қалыпты жағдай саналады.
Жапония – бұл елде келісім жасы – 13 жас. Осы айтылған жасқа жеткендегі қыз балалар жыныстық қатынасқа түссе, ол зорлауға жатпайды. Сондай-ақ Жапондар тазалық сүйгіш халық болса да, отбасында неше жан басы бар екеніне қарамастан, бір ваннаға бәрі де кезекпен суын ауыстырмай түсе береді.
Англияда – тұманды елге келін болатын қалыңдық өзінің шыдамдылығын көрсету үшін өте ауыр болып келетін шіркеу сандығының қақпағын көтеруі тиіс.
Африка - мұндағы қыздар тұрмысқа шықпас бұрын әбден семірулері керек. Ол үшін қыздың туыстары бір ай бойы қызды бір үйшікке қамап, алуан түрлі тағамдар әкеліп беріп семіртеді.
Франция – француздарда тән лаззатын алуға шектеу жоқ.Сондықтан да бұл елде үйленуге қарағанда ажырасатындар өте көп.
Үндістан (Индия) – Үндістан елінде ата-ана қызға қарағанда ұлды болуға ұмтылады. Сондықтан ондаған миллион қыз балалар туылмай жатып, жасанды түсіктің құрбаны болып кетеді. Сондай-ақ жас қыздарды ұрлап жезөкшелік жолға салу да қарапайым жағдайлардың бірі.
Йемен – Йеменде қыз балалар мүлде мектепке барып оқып, білім алмайды. Себебі оларды жеті жасынан бастап тұрмысқа береді.
Сауд Арабия – бұл елде әйелдерге арналған түрлі тыйымдар мен ережелердің жиынтық заңнамалары бар. Сауд Арабиясы әйелдердің көлік жүргізуіне тыйым салған әлемдегі бірден-бір мемлекет. Мұндағы әйелдерге күйеуінсіз сыртқа шығуға, өзге еркектермен сөйлесуге, қоғамдық көлікпен жүруге тыйым салынған. Денесін, бет-аузын толық жауып жүретін киім киеді.
Үндістер - үндістерде ағашқа үйлене беруге болады. Қалай дейсіз бе? Өте қарапайым. Қазақ халқындағы ежелден келе жатқан дәстүр секілді, оларда да кіші ұл үлкенінен бұрын үйлене алмайды. Ал кішіге жол беру үшін үлкендері ағашқа үйленеді. Той біткен соң, ағашты кесіп тастайды. Бұл келіншектің өлді дегенін білдіреді.
Ауғанстан – бұл елде әйелдердің 85%-ы медициналық көмек көрмей босанады. Ауғанстан – әлемдегі ана өлімі жоғары, яғни, босану үстінде қаза табатындар саны көп ел.
Сондай-ақ ғаламтордағы мәліметтерге сүйенсек, соңғы 10 жылда Бpитания, Фpанция, Геpмания және АҚШ пен Финляндия секілді дамыған алпауыт мемлекеттерде қыздарды сүндеттеу фактілері көптеп кездескен. Сүндеттеу - жыл сайын әлемнің 30 елінің 84 миллион әйелі зардап шегетін дәстүрлі ритуал. Ең көп тараған орталығы Африка, сонымен бірге Азия мен Латын Америкасында да жиі кездеседі. Бұл дәстүрдің басты себебі - қыздың «пәктігі» мен «тазалығын» сақтау және сексуалды белсендігін жою, яғни күйеуіне деген адалдықты ұстау.
Әрине ешқандай ұлттың, елдің жаманы жоқ. Дегенмен әрбір ұлттың өз ұстанымы, ділі мен діні, әдет - ғұрпы, салт - дәстүрі бар. Жүз жерден махаббат пен түсіністік болғанның өзінде ұлттық болмысы мен танымы бөлек жандардың көзқарастары екіге бөлініп, бір-бірінен ерекшеленетіні ақиқат.
Дайындаған: Эльмира Базарбаева,
