​Ауыл тұрғындары арасында атыстан бір адам қаза тапты

ERNUR.KZ. Оңтүстіктегі көршілес ауыл тұрғындары арасында орын алған атыс салдарынан бір адам көз жұмды, деп хабарлайды ERNUR.KZ ҚР ІІМ-не сілтеме жасап.

«Кеше Сарыағаш қаласында жеке бас араздығынан ауыл тұрғындары арасында атыс орын алған. Зардап шегуші көрші ауыл тұрғыны жарақатынан кейін ауруханаға түсіп, сол жерде көз жұмды»,-деді ҚР ІІМ-нің ресми өкілі Алмас Садубаев.

Полиция қызметкерлерінің жедел іздеу шараларының нәтижесінде күдіктінің аты-жөні анықталды. Қылмыскерге іздеу салынды. Тергеу жүргізіліп жатыр.