Майкл Бэй Түркістан әкімінің шақыртуын қабыл алды

0
1 198

Режиссер Майкл Бэй 21 наурызда Түркістанға келетін болды


Майкл Бэй Түркістан әкімінің шақыртуын қабыл алды

коллаж: ERNUR.KZ.

ERNUR.KZ. Түркістан қаласының әкімі Рашид Аюпов голливудтық режиссер Майкл Бэйді Қазақстанның рухани астанасында екі күн қонақ болуға шақырды, - деп жазады tengrinews.kz.

Режиссер Instagram желісіндегі парақшасында әкіммен хат алмасқан, онда ол шақырудың мерзімін көрсетуді сұраған. Түркістан әкімі режиссерді 21 наурызға шақырды. Наурыз мерекесін тойлауға.


"Егер Түркістанға келетін болса, оңтүстіктің қонақжайлылығын көрсететін боламыз. Ол Түркістанда қандай адамдар тұратынын білсе дейміз. Егер фильм түсіреміз десе, әрине көмектесеміз", - деді Рашид Аюпов.

Еске салайық, Түркістан әкімі осыған дейін Майкл Бэйді шақырған еді. Рашид Аюповқа "Призрачная шестерка" фильміндегі "Тургистан" деген сөз ұнамаған, ол Қазақстанның рухани астанасы Түркістанмен ұқсас айтылады.