"Мәңгі желбіре, Тәуелсіздік туы!"

0
3 818

Кездесудің мақсаты - 1986 жылғы 16 желтоқсан оқиғасы жайлы жастарға түсінік беру, желтоқсан оқиғасына қатысқан азаматтардың өмір жолдарымен танысу.


фото: turkystan.kz

Қазақстан Республикасының Тәуелсіздігінің 27 жыл толуына орай Түркістан облысы, Арыс қаласына қарасты Ақдала ауылдық округінде «Мәңгі желбіре, Тәуелсіздік туы!» тақырыбында желтоқсан оқиғасының куәгерлерімен кездесу өтті, деп хабарлайды ERNUR.KZ тілшісі.

Кездесудің мақсаты - 1986 жылғы 16 желтоқсан оқиғасы жайлы жастарға түсінік беру, желтоқсан оқиғасына қатысқан азаматтардың өмір жолдарымен танысу. Бұдан бөлек артында қалған мұраларын қастерлеу, жастарды патриоттық рухта тәрбиелеу болды. Кездесу барысында желтоқсаншыларға сұрақтар қойылып, оқиғаның басталуына түрткі болған жағдайлар, желтоқсаншылардың талаптары, оқиғаның шиеленіскен сәті және оқиғаның салдары баяндалды.

Кездесу соңында оқиға куәгерлері тарихқа шынайы бағасын бере отырып, қазіргі Тәуелсіздігімізді қадірлеп,оны келер ұрпаққа аманат қылуды ұлағат етті. Тәуелсіздік біздің бар байлығымыз екенін жастарға ұғындырып, өз бастарынан өткен қиыншылықтарымен бөлісті. Сонымен қатар, жиынға жиналған қауым желтоқсан оқиғасына қатысушыларға өз ризашылықтарын білдіріп, тілектерін жеткізді. Тәуелсіздік қарсаңында өткен бас қосу жастарға айтарлықтай ой салып, патриоттық сезімдерін оятты.