Бұрын бұл жерде жөзөкшелер жоқ еді.
фото surfingbird.com
ERNUR.KZ.Оңтүстік Қазақстан облыстық мәслихатының депутаты Дулат Әбіш Оңтүстіктегі ауылдардың бірінде тәнін саудалайтын қыздардың көбейгендігін айтты. Халық қалаулысы ауылда қоғамдық тәртіптің сақталмауынан жеңіл жүрісті қыздар қаптап кеткен деді. Бұл туралы NUR.KZ сайтының өңірдегі тілшісі хабарлады.
"Нұр Отан" партиясының облыстық филиалының Саяси кеңесі Бюросында Арыс қаласының әкімі Мұрат Қадырбек атқарған жұмыстары туралы көпшілік алдында есеп берді. Қала әкімі жұмысын бастағалы бері ауылдағы бірқатар әлеуметтік мәселелерді шешіп, халықтың қажеттілігін қамтыған.
Қала әкімінің есебін мұқият тыңдаған кеңес мүшелері шенеунікті сұрақтың астына алып, кейбірі өз ұсыныстарын да жеткізді. Соның ішінде Оңтүстік Қазақстан облыстық мәслихатының депутаты Дулат Әбіш ашық мәлімдеме жасады.
"Арыс қаласына қарасты Шаян ауылында сауда орталығы бар. Батыс Қытай-Батыс Еуропа жолында орналасқан. Бұл ауылда қоғамдық тәртіп болу керек. Яғни, бұл ауылда жергілікті полиция қызметі жақсы жұмыс істеу керек. Бұрын бұл жерде жөзөкшелер жоқ еді. Қазір Шаян ауылында жөзөкшелер көбейіп кеткен. Сауданың арқасында ол жер дамып келеді. Қоғамдық тәртіп күшейтуді қадағалау керек" - дейді ОҚО мәсхихат депутаты Дулат Әбіш.
