ОҚО-да Жеңіс күні созақтық 6 соғыс ардагеріне автөкөлік табысталды

0
1 595

Одан бөлек, уран өндіретін «Катко», «Инкай» компаниялары қаржылай сыйлықтар ұсынды.


ОҚО-да Жеңіс күні созақтық 6 соғыс ардагеріне автөкөлік табысталды

Оңтүстік Қазақстан облысы Созақ ауданында Жеңістің 73 жылдығына орай 6 майдангерге автокөлік табысталды. Жаңа нива автокөліктердіңкілтін Жеңіс күні мерекесіне арналған шарада аудан әкімі Салыхан Полатов салтанатты түрде тапсырды, деп хабарлайды ERNUR.KZ.

Аудан орталығы Шолаққорғанда өткен мереке жалпыхалықтық шерумен бастау алып, жиылған жұртшылық «Белгісіз сарбаз» ескерткішіне гүл шоқтарын қойып соғыс сарбаздарының рухына тағзым етті.

"Осыдан 73 жыл бұрын адамзат тарихында ең ауыр және қанды соғыстың соңғы оқтары атылды. Содан бері 1945 жылдың 9 мамыры жұртшылық жадында ерлік үлгісі, мұқалмас ерік жігер мен қажырлы еңбектің символына айналды. Осынау қанды қырғында, ауданнан 6 мыңдай азамат отанын қорғауға аттанса, олардың жартысынан көбі соғыс даласында қаза тауып, елге оралмады. Олар өз өмірлерін қия отырып, өзінен кейінгі мыңдаған, милиондағанұрпақтарының өмірлерін аман сақтап қалды.

Сұрапыл соғыс жылдары созақтық қаһарман жауынгерлер өздерінің бар ынта жігерлерінің арқасында Жеңіске жетуге өзіндік із қалдырды.Бүгінгі таңда солардан қалған көзі тірісі 6 соғыс ардагері ғана ортамызда",-деді аудан әкімі.

Одан бөлек, уран өндіретін «Катко», «Инкай» компаниялары қаржылай сыйлықтар ұсынды. Мереке күндері ауған соғысы, Чернобыль апатына қатысушылар мен тыл ардагерлеріне де аудандық бюджеттен қаржылай сыйлық табыс етілді.

Меркелік шара орталық ипподромда бәйге, көкпар, қыз қуу сынды ұлттық спорт түрлерімен жалғасты.