Шымкентте сот журналисті ақтайтын шешім шығарды

0
686

Наурыздың басында Сүйін Абулда сотқа Ratel.kz порталының аймақтағы экс-тілшісі Динара Бекболаеваның үстінен жеке шағым түсірген. Шағым негізінде Қылмыстық кодекстің 130-бабы ("Жала жабу) бойынша іс қозғалған.


Шымкентте сот журналисті ақтайтын шешім шығарды

Мамырдың 3-і күні Шымкенттегі Абай аудандық соты Ratel.kz порталының аймақтағы экс-тілшісі Динара Бекболаеваға қатысты үкім шығарды, деп хабарлайды Азаттық.

Сот отырысына жеке айыптаушы - азаматтық белсенді, "Мемлекет Туы" жастар одағының" төрағасы Сүйін Абулда мен оның қорғаушысы келмеді. Айыпталушылар қарсылық білдірмеген соң, істі қарап жатқан судья Элеонора Бакирова сот тергеуін шағымданушысыз қарауды ұйғарды.

Сот тергеуі біткеннен кейін судья жарыссөзге көшті. Жарыссөзде Динара Бекболаева мен оның адвокаты Дәуренбек Момбаев шағымданушы сотқа келіп өз дәлелін келтіре алмағанын, сараптама қорытындысы мақалада жала жабатын сөз жоқ екенін растағанын айтып, журналисті ақтауды сұрады.

Кеңесу залынан шығып келген судья Элеонора Бакирова үкім оқыды. "Динара Бекболаева Қылмыстық кодекстің 130-бабы 2-бөлігімен айыпсыз деп танылып, ақталсын" деді судья.

Наурыздың басында Сүйін Абулда сотқа Ratel.kz порталының аймақтағы экс-тілшісі Динара Бекболаеваның үстінен жеке шағым түсірген. Шағым негізінде Қылмыстық кодекстің 130-бабы ("Жала жабу) бойынша іс қозғалған.

Сүйін Абулда журналистің "Акимат ЮКО платил за троллинг Габидуллы Абдрахимова?" тақырыбында Ratel.kz сайтына шыққан мақаласында өзіне жала жабатын мәлімет барын айтқан. Бұдан соң мақалаға сот сараптамасы тағайындаған.

Журналистің айтуынша, Шымкенттегі мемлекеттік сараптама орталығы психология-филологиялық сараптама жасап, мақалада арызданушы Сүйін Абулданың абыройы мен қадір-қасиетіне нұқсан келтіретін, оның беделін түсіретін көрінеу жалған мәлімет жоқ деген қорытынды шығарған.

Пікір қалдыруыңыз үшін сайтқа кіруіңіз қажет