ТҮРКІСТАН: Бәйдібектік тұрғын тыйым салынған жазбалар таратқаны үшін сотталды

0
653

Аудандық соттың шешімімен тұрғын 2 жылға сотталды.


ТҮРКІСТАН: Бәйдібектік тұрғын тыйым салынған жазбалар таратқаны үшін сотталды

Түркістан облысының тұрғыны әлеуметтік желілерде тыйым салынған материалдарды таратқаны үшін екі жылға бас бостандығынан айырылды, деп хабарлайды ERNUR.KZ.

Түркістан облысы Бәйдібек ауданының тұрғынын ПД экстремизмге қарсы іс-қимыл басқармасының қызметкерлері ұстады. Ол әлеуметтік желілерде Қазақстанда тыйым салынған деструктивті ағым көшбасшыларының аудиожазбаларын таратты деген күдікке ілінді.

"Полицейлер бұл деректі Қылмыстық кодекстің 174-бабы 1-бөлігіндегі "Әлеуметтік, ұлттық, рулық, нәсілдік, тектік немесе діни алауыздықты қоздыру" бойынша сотқа дейінгі тергеп-тексерудің бірыңғай тізіліміне тіркеді. Заттай дәлел ретінде тәртіп сақшылары аудиожазбаларды алып, сараптамаға жіберді", - делінген хабарламада.

Тергеу материалдары шешімін қабылдану үшін сотқа жіберілді.

Аудандық соттың шешімімен Бәйдібек ауданының тұрғыны кінәлі деп танылып, екі жылға бас бостандығынан айырылды.