ТҮРКІСТАН: Ірі елдімекендерді бас жоспармен қамту 100%-ға жетті

0
1 031

705 елді мекен дамыту мен құрылыс салу жобаларымен қамтылған.


ТҮРКІСТАН: Ірі елдімекендерді бас жоспармен қамту 100%-ға жетті

Түркістан облысындағы барлық ірі елдімекендерге бас жоспар жасалған, деп хабарлайды ERNUR.KZ.


2021 жылдың 10 айындағы жағдай бойынша Түркістан облысы бойынша тұрғындар саны 5 000 асатын елді мекендерді бас жоспармен қамту 100%-ға жетті. Бұл туралы брифингте Түркістан облысы сәулет және қала құрылысы басқарма басшысының міндетін атқарушы Сәлкен Жаппарқұлов мәлімдеді.


Сондай-ақ, халық саны 5 000 адамға дейінгі 705 елді мекен дамыту мен құрылыс салу жобаларымен қамтылған.


«2021 жылдың 10 ай қорытындысы бойынша басқарма тарапынан облыс бойынша мешіт құрылысын салуға 4 рұқсат берілді. Сонымен қатар, қала құрылысы дамуын, сәулеттік келбетін жақсарту мақсатында, туризмді дамыту, инвесторларды тарту үшін басқарма тарапынан 50-ден астам эскиздік жобалар әзірленді. Оның ішінде, ең маңызды жобалар: Б.Саттарханов даңғылы бойындағы канал, Түркістан қаласындағы саябақтар мен гүлзарлар, әкімшілік-іскерлік орталығындағы Түркітілдес халықтар орталығы, 20-қабатты тұрғын кешендері», - деді Сәлкен Жаппарқұлов.