ТҮРКІСТАН: Қазақстан футбол федерациясының 30 жылдығына орай жиын өтті

0
523

Өңірде футболды дамытуға көңіл бөлініп жатыр.


ТҮРКІСТАН: Қазақстан футбол федерациясының 30 жылдығына орай жиын өтті

Түркістандық бір топ азамат «Қазақстан футбол федерациясына – 30 жыл» төсбелгісімен марапатталды, деп хабарлайды ERNUR.KZ.


Түркістан қаласындағы «Түркістан Арена» стадионында Қазақстан футбол федерациясына 30 жыл толуына орай, жиын өтті. Айта өтерлігі, қазір Түркістан облысының әкімі Дархан Сатыбалды өңірімізде миллиондардың жүрегіне жол тартқан футболды УЕФА-ның талаптарына сай дамытуды жаңғыртып, отандық футбол шаруашылығын өркендетуге ерекше назар аударып отыр.


Облыстық футбол федерациясының конфедерациясында Түркістан облысының футбол саласының өсіп-өркендеуіне ұзақ жылдардан бері мол еңбек сіңіріп келе жатқан азаматтар «Қазақстан футбол федерациясына – 30 жыл» төсбелгісімен марапатталды.


Марапаттау рәсімін Түркістан облысы әкімінің орынбасары Бейсенбай Тәжібаев жүргізіп, биылғы футбол маусымында бұдан да жоғары жетістіктерге жете берулеріне тілектестік білдіріп, өңіріміздің футбол саласының өркендеуіне үлес қосқан азаматтарға алғыс білдірді. Сонымен қатар Түркістан облысының дене шынықтыру және спорт басқармасының басшысы Қанат Жолдықараев та марапаттау жиынын жүргізіп, футболды дамытуға көңіл бөлініп жатқаны туралы баяндады.