Су өлшеу бекетінен ағын су мөлшерін арттыруға қол жеткізді.
Келес өзенінен бастау алатын Шошым каналындағы ағын судың мөлшері көбейтілді, деп хабарлайды ERNUR.KZ.
Келес ауданы әкімінің орынбасары Абай Жаңбырбаев тиісті сала мамандарымен Сарыағаш ауданы аумағында орналасқан "Шошым" су бөгетіне барып, судың деңгейін көзімен көріп, тиісті сала басшылығымен келіссөздер жүргізе отырып, Шошым" магистралды каналына су өлшеу бекетінен ағын су мөлшерін арттыруға қол жеткізілді.
Аталған келіссөздің мақсаты каналдың етегінде орналасқан Келес ауданының Біртілек ауылдық округі Көлтөған елді мекеніндегі шаруаларға суды жеткізу болып табылады. Көрші ауданның су шаруашылығы мекемесінің басшылығымен канал бойындағы тоғандарды бақылауға алуға келісілді.
Айта кетейік, "Шошым" магистралды каналы 28,5 шақырым, оның ішінде 17,0 км "Сарығаш ауданы су шаруашылығы" МКК теңгерімінде, ал 11,5 км "Келес ауданы су шаруашылығы" МКК теңгерімінде. "Шошым" МК іргелес жер көлемі 2482 га, оның ішінде Сарыағаш ауданы аумағында 1075га, Келес ауданы аумағында 1407 га бар.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
