Өрт Хантағы елді мекенінде орналасқан «Кентау Сервис» МКК қарасты №5 жылу электр стансасынан шыққан.
иллюстрациялық фото: ашық дереккөзден
Кентаудағы жылу орталықта өрт шықты, деп хабарлайды ERNUR.KZ тілшісі.
Өрттің шығу себебі – көмірдің өздігінен тұтануы. Жылу электр стансасының жұмысы тоқтатылған жоқ.
«11.11.2019 жылы сағат 00:30-да Кентау қаласына қарасты Хантағы елді мекенінде орналасқан «Кентау Сервис» МКК қарасты №5 жылу электр стансасының ауласында жалпы ұзындығы 480 метрлік (бір бағыты – 240 м.) қазандық бөлмесіне көмір таситын ленталық конвейер әр жерден жанып, үзілген. Өрт сағат 00:44-те оқшауланып, сағат 01:42-де толығымен сөндірілді. Жылу электр стансасының жұмысы тоқтатылған жоқ. Өрттің шығу себебі – көмірдің өздігінен тұтануы. Зардап шеккендер жоқ» - дейді қала әкімдігінің баспасөз қызметі.
![Қазақстанда](/assets/thumbnails/f2/f2cad61470e5aea8e5b53e70a6199c4b.jpg "Қазақстанда "Наурыз" атты жаңа тұрғын үй бағдарламасы іске қосылады")
