Түркістан облысында 34 отбасы баспаналы болды

0
141

75 адам тұрақты жұмыспен қамтылған.


Түркістан облысында 34 отбасы баспаналы болды

Түркістан облысында "Қамқорлық" бағдарламасы арқылы 34 отбасы баспаналы болды, - деп хабарлайды ERNUR.KZ.

Түркістан облысында «Қамқорлық» бағдарламасы жүзеге асырылып келеді. Мақсаты – әлеуметтік жағдайы аса төмен, көмекке мұқтаж тұрғындарға көмектесу және оларды жан-жақты қолдау. Бұл бағдарламаны «Nur Otan» партиясының Түркістан облыстық филиалы мен облыс әкімдігі бірлесіп үйлестірген. Игі бастама тұрғындар тарапынан жоғары баға беріліп отыр.

Атап өтсек, жыл басынан бері «Қамқорлық» кешенді бағдарламасы аясында 1643 отбасы тізімге алынып, оларға көмек берілді. Оның ішінде 34 отбасына тұрғын үй алып берілсе, 75 адам тұрақты жұмыспен қамтылған. Ал 178 адам ақылы қоғамдық жұмысқа тартылған.

Баспана алып беруге кәсіпкерлер, ел азаматтары мен мектеп түлектері белсенді атсалысуда. «Бақытты отбасы» партиялық жобасы аясындағы бағдарлама арқылы 1339 отбасына азық-түлік, киім-кешек беріліп, материалдық көмек беріліп келеді.

Бүгінгі таңда облыс әкімі Өмірзақ Шөкеевтің тапсырмасымен аудан, қала әкімдері мен «Nur Otan» партиясының Түркістан облыстық филиалы белсенді жұмыс жүргізуде. Сондай-ақ барлық аудан, қалаларда арнайы комиссия құрылып, кураторлар жасақталған.

Пікір қалдыруыңыз үшін сайтқа кіруіңіз қажет