Түркістан облысында жаңа балабақша ашылды

0
1 753

37 адам жұмыспен қамтылған.


Түркістан облысында жаңа балабақша ашылды

Кентау қаласында жаңа балабақша ашылды, - деп хабарлайды ERNUR.KZ.

Жыл өткен сайын еліміздегі адам санының артуына байланысты мектептер мен балабақшалардың жетіспеушілігі байқалып жатады. Дегенмен әр жылы өңірлерде білім ұялары бой көтеріп, балалардың дұрыс тәрбие алуына мүмкіндік жасап келеді.

Осы орайда Түркістан облысы Кентау қаласына қарасты Қарнақ ауылында мектепке дейінгі білім беру мекемесі пайдалануға берілді. Конститутция күні мерекесі қарсаңында есігін айқара ашқан «Ақбота» балабақшасының салтанатты ашылу рәсіміне қала әкімінің орынбасары Б.Алимбетов арнайы қатысып, ауыл тұрғындарын қуанышты жаңалықпен құттықтады.

Атап өтсек, 170 орындық жаңа балабақша мемлекеттік-жекеменшік әріптестік аясында бой көтерген. Заманауи талапқа сай етіп салынған балабақшада 7 топ жұмыс істейді.

Сондай-ақ, осы нысанды пайдалануға беру арқылы 37 адам тұрақты жұмыспен қамтылып отыр. Үш қабатты ғимаратта асхана, музыка залы, есепші және балаларға арналған бөлмелері бар. Мұнда балалардың жан-жақты дамуы үшін тиісті барлық жағдай жасалған.

Айта кетейік, аталған балабақша карантин режиміне байланысты әрбір топ 15 баладан аспайтын кезекшілікпен жұмыс істейді.