ТҮРКІСТАН: Ордабасыда 900 шақырымға жуық 85 канал тазартылып жатыр

0
575

Бұл каналдар арқылы 33131 гектар ауыл шаруашылығы мақсатындағы суармалы жер игеріледі.


ТҮРКІСТАН: Ордабасыда 900 шақырымға жуық 85 канал тазартылып жатыр

Түркістан облысындағы Ордабасы ауданында 871 шақырымды құрайтын 85 канал демеушілер есебінен механикалық тазартылудан өтуде, деп хабарлайды ERNUR.KZ.

Бұл шаралар аудан көлемінде егістік жерлерді ағын сумен қамтамасыз етілуін жақсарту мен шілде айында су жетпей қалу қаупін сейілту мақсатында атқарылуда.

Дәл қазіргі таңда ауданда 380 шақырымды құрайтын 43 каналда механикалық тазалау жұмыстары жүргізіліп жатыр. Бүгінгі таңда 97 шақырым канал іші тазартылған. Қалған 117,6 шақырымы 15 шілдеге дейін толық тазаланып бітеді деп күтілуде. Нәтижесінде 15 699 гектар жердің сумен қамтамасыз етілуі жақсарып, шілде айында 2 228 гектар жерге тіршілік нәрі жеткізіледі,

Айта кетейік, Ордабасы ауданында 871 шақырымды құрайтын 85 канал бар. Оның 15-і республикалық, 45-і облыстық, 17-сі ауыл округтерінің есебінде, 9-ы жеке меншікте. Бұл каналдар арқылы 33131 гектар ауыл шаруашылығы мақсатындағы суармалы жер игеріледі. Бүгінде демеушілер есебінен механикалық тазалаудан өтіп жатқан каналдарда 7 техника жұмыс істеуде.