ТҮРКІСТАН: Тұңғыш рет қысқы спортпен кәсіби түрде айналысуға мүмкіндік болады

0
530

Түркістанда мұз сарайы мен «Дарын» мектеп-интернаты салынып жатыр.


ТҮРКІСТАН: Тұңғыш рет қысқы спортпен кәсіби түрде айналысуға мүмкіндік болады

Түркістан облысының әкімі Өмірзақ Шөкеев Түркістанды абаттандыру жұмыстары мен бірқатар құрылыс нысандарының жай-күйін бағдарлау үшін шаһарды кезекті рет аралап шықты, деп хабарлайды ERNUR.KZ.


Облыс әкімі алдымен әуежай бағытындағы аумақтағы жасыл белдеу мен Шаға көлінің жағдайымен танысып, абаттандыру, көгалдандыру жұмыстарын тексерді. Одан кейін өңір басшысы Түркістан қаласының дамуында аса маңызды бірқатар құрылыс нысандарын аралады. Солардың бірі – қысқы спорт түрлеріне арналған ғимарат. Мұз сарайының құрылысы биыл тамыз айында басталған. Жалпы жер аумағы – 1,92 гектар, ғимарат құрылысының көлемі – 4160,9шаршы метр. Мердігер – «Integra Construction Kz» ЖШС. Бүгінде нысанның іргетасы қаланып, бірінші қабатын көтеру жұмыстары жүріп жатыр. Бұл ғимаратта қысқы спорт түрлері дамытылып, үйірмелер ашылады. Түркістан тарихында тұңғыш рет қысқы спортпен кәсіби түрде айналысуға мүмкіндік жасалады.


Атап өтсек, өңір басшысы Түркістанда бәсекеге қабілетті білім ұяларының бой көтеруіне айрықша басымдық беріп келеді. «Дарын» мектеп-интернатының құрылысына арнайы барған ол нысанды уақтылы әрі сапалы тапсыру керектігін айтты. 700 оқушыға арналған мектеп пен 500 орындық жатақханасыың құрылысын «МК Технострой сервис» ЖШС-нің 70 жұмысшысы жүргізіп жатыр. Құрылыс жұмыстары биыл сәуір айында басталған. Оқу корпусының іргетасы құйылып, кірпіші қалануда. Жатақхананың да іргетасы дайын. Бұл нысан 2022 жылы пайдалануға беріледі.