ТҮРКІСТАН: Жетісай ауданында адам көп шоғырланатын орындарда сақтық шаралары барынша күшейтілді

14.04.2020 17:07

604

Сақтық шаралары ауданның өзге кент, ауыл округтерінде де қолға алынуда.

Соңғы мәліметтер бойынша Жетісай ауданында коронавирус инфекциясын жұқтырған азаматтар саны 18-ге жетті, деп хабарлайды ERNUR.KZ.

Соның ішінде Жетісай ауданы, Ш.Ділдабеков ауылдық округінің 1970 жылғы тұрғыны және Ш. Ділдабеков ауылдық округі, Достық ауылының 1971 жылғы, осы ауданның Ынтымақ ауылдық округі, Өркенді ауылының 1994 жылғы тұрғындарында коронавирус инфекциясы расталып отыр. Аталған азаматтың үшеуі де COVID-19 вирусы анықталған науқаспен жақын байланыста болған.

Вирус жұқтырғандар қазіргі уақытта оқшауланып, тиісті ем қабылдауда.

Аталған азаматтармен байланыста болғандарды анықтап, оқшаулау жұмыстары жүргізілуде.
Аталған жайттарға орай Жетісай ауданындағы адам көп шоғырлататын банк бөлімшелері мен "Қазпошта" мекемесіндегі ұзын-сонар кезектер сақтық шараларының талаптарына сай ретке келтірілген. Яғни кезекте тұрған азаматтардың арақашықтығы сақталып, клиенттердің аты-жөндері мен кезектік реті дауысұлғайтқышпен хабарлануда. Дәл осындай сақтық шаралары ауданның өзге кент, ауыл округтерінде де қолға алынуда.