Түймебаев жалпы аумағы 15 мың шаршы метрлік «Megacity» ойын-сауық кешенінің құрылысымен танысты. Нысанның жалпы құны 2 млрд. теңгені құрайды.
Түркістан облысының әкімі Жансейіт Түймебаев облыс орталығында бірқатар нысандарды аралады, деп хабарлайды ERNUR.KZ облыс әкімдігінің баспасөз қызметіне сілтеме жасап.
Аймақ басшысы әуелі «Түркістан индустриалды аймағында» орналасқан «Гранд микс» Жиһаз фабрикасына барды. Күллі Қазақстанды жиһазбен қамтамасыз етіп отырған жобаның жалпы құны - 364 млн. теңге. Бүгінде өндіріс орнында 120 адам жұмыспен қамтылып отыр. Жалпы аумағы 1,8 гектарды құрайды. Аталған жоба жылына 150-170 млн. теңгенің дайын өнімін өндіреді. Қазір фабрика жиһаздың 40-қа жуық түрін дайындауда. Негізі шикізат Ресейден алынады. Жобаның жұмыс барысымен танысқан облыс әкімі әлі де өнім көлемін арттыруды тапсырды. 
