Жетісай ауданында «Жылы жүрек-жомарт қол» атты қайырымдылық акциясы өтті

0
283

Акция аясында көмек алған отбасы мүшелері ұйымдастырушыларға алғыстарын жаудырып, баталарын берді.


Жетісай ауданында «Жылы жүрек-жомарт қол» атты қайырымдылық акциясы өтті

Бүгін Түркістан облысы Жетісай ауданында 6– шілде - Елорда күні мерекесіне орай «Жылы жүрек-жомарт қол» атты қайырымдылық акциясы өтті. Шара аудан әкімі Жамантай Бейсенбаевтың бастамасымен өңірдегі кәсіпкер азаматтардың қолдауымен ұйымдастырылды, деп хабарлайды ERNUR.KZ.

Акция барысында ауданымыздағы қала, кент, ауыл округтеріндегі көпбалалы аналар мен мүмкіндігі шектеулі, әлеуметтік тұрмысы төмен 300-ге жуық отбасыға күнделікті қажетті азық-түлік үлестіріліп берілді.

Мәселен, Жетісай қаласы әкімдігі акция аясында 32 отбасының үйіне арнайы барып, азық –түлік себеттерін табыс етті. Қала әкімі Тұрышбек Елшібаев тұрғындарды Елорда күнімен құттықтап, отбасыларына амандық тіледі.

«Бүгін үлкен мереке. Осыған орай аудан әкімі Жамантай Қанайұлының бастамасымен қайырымдылық акциясы ұйымдастырылып, қаламыздағы көпбалалы аналар мен мүмкіндігі шектеулі, әлеуметтік тұрмысы төмен 40-қа жуық отбасыға азық-түлік үлестірудеміз. Мұндай қайырымдылық акциялары қаламызда тұрақты түрде ұйымдастырылып тұрады», - дейді Тұрышбек Елшібаев.

Акция аясында көмек алған отбасы мүшелері ұйымдастырушыларға алғыстарын жаудырып, баталарын берді.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет