Тас жолда Toyota Camry мен Chevrolet Nexia соқтығысқан.
ERNUR.KZ. Теміртау маңында болған жол апаты салдарынан кәмелетке толмаған екі бала қаза тауып, тағы 10 адам емдеу мекемелеріне жатқызылды, деп жазады tengrinews.kz.
Қайғылы оқиға 7 мамыр күні сағат 17:56 шамасында Алматы – Екатеринбург тас жолының Теміртау маңындағы ақылы бекет жанында болған. Тас жолда Toyota Camry мен Chevrolet Nexia соқтығысқан.
Алдын ала мәлімет бойынша, көліктердің ішінде 12 адам болған, оның екеуі – бала. Олар ауыр жарақат алған. Екі көліктен 10 адам медициналық мекемелерге жеткізілді.
"Оқиға бойынша қылмыстық іс қозғалды. Тиісті сараптамалар тағайындалды. Тергеу жүргізіліп, мән-жайы анықталып жатыр. Полиция департаменті жол қозғалысы ережелерін сақтауға және жылдамдық режимін бұзбауға тағы да шақырады", - деп хабарлады Қарағанды облысы полиция департаментінің баспасөз қызметі.
