"Мен әлі қартаймадым": Гүлзира Айдарбекова биіне сын айтқандарға жауап берді

Өзінің түрлі жазбаларымен назардан түсбейтін Гүлзира Айдарбекованы оқырмандары бұл жолы билеген биі үшін сынға алды. Ол трендтен қалмай бірнеше киімді ауыстырып, билеп жүріп видео түсірген.

"Нүрекең қызу тірлігімен Нұр-Сұлтанға ұшып кетті. Төлегенім келгенше, іштеріңізді пыстырмай, өзімнің тик-тогыммен бір мезгіл ауыр ойдан сіздерді арылтып, шамам жеткенше, көңіл-күйлеріңізді көтеріп қояйын. 68- дер қайдасыздааар?" деп жазған продюсердің жазбасына сын айтып, теріс пікір жазғандар көп.

Олар "Қуасың ба, дардай айелге не қылық?", "Қартайганда қуды ғой, немересі бар айел осылай жасаса, жастар кайда барады?" деген сынды ойларын жазған. Бұл жазбаларға Айдарбекова ханым да жауап жазуды ұмытпапты, "Мен әлі қартаймадым, елуді ғана еңсердім. Әлі 50 жылым бар. Ең әдемі жас" деп жауап қайтарған.