Газа секторында радикалды исламшыл ХАМАС қозғалысы ұстаған кепілге алынғандар жұма, 24 қарашаға дейін босатыла бастайды.
ERNUR.KZ. Кепілге алынғандарды босату төрт күндік бітімгершілікке негізделген Израиль мен ХАМАС келісіміне сәйкес жүзеге асырылады, деп жазады baq.kz.
Газа секторында радикалды исламшыл ХАМАС қозғалысы ұстаған кепілге алынғандар жұма, 24 қарашаға дейін босатыла бастайды. Бұл туралы Израиль Ұлттық қауіпсіздік кеңесінің басшысы Цахи Ханегби 22 қараша, сәрсенбі күні кешке мәлімдеді.
Біздің кепілге алынғандарды босату туралы пікірталастарымыз шешімін тауып жатыр. Босату "екі тараптың бастапқы келісіміне сәйкес" өтеді, - деп қосты Израиль билігінің өкілі Haaretz газеті мен N12 телеарнасына.
Алдыңғы түнде Израиль үкіметі мен ХАМАС содырлары төрт күндік бітімге келген болатын. Келісім Газа секторында ұсталып, кепілге алынған 50 израильдік адамды және Израиль түрмелеріндегі 150 палестиналық тұтқынды 4 күн ішінде босатуды көздейді. Израильдің кейбір бұқаралық ақпарат құралдары бұл келісім 23 қарашада күшіне еніп, ал кепілге алынған алғашқы топ сол күні босатылады деп хабарлады.
Келісімді АҚШ президенті Джозеф Байден құптады.
Атысты тоқтату Газа секторына гуманитарлық көмек ағынын арттыруға мүмкіндік береді, - деп Ақ үйде атап өтті.
Өз кезегінде Израиль министрлер кабинетінің басшысы Вашингтонға келісім жасасуға көмектескені үшін алғыс айтты.
Еске салсақ, 7 қазан күні Палестиналық «Исламдық жиһад» содырлары Газа секторындағы әскери операциясын бастағаннан бері Израильге қарай 380-нен астам зымыран атқылаған.
