Жүк көлігі өте қатты жылдамдықпен келген.
ERNUR.KZ. Анасы баласын соңғы сәтте құтқарып қалды, деп жазады almaty.tv.
Оқиға Вьетнамның солтүстігінде Намдинь провинциясында болды. Кадрдан байқағанымыздай, көлік үш адам отырған мотоциклді қағып кетеді. Мотоциклдегі әйел мен баласы құлап, қарсы бағытта келе жатқан жүк көлігінің астына түсе жаздады. Анасы өзі құлап бара жатып, соңғы секундтарда көлік астынан баласын тартып қалды. Қуанышқа орай, жүк көлігі әйел мен баласын жанап өтті. Жүк көлігінің қатты жылдамдықпен келе жатқанын көруге болады.
Ал мотоцикл жүргізушісі бұның ешқайсысын да көрген жоқ. Сәлден кейін ғана бұрылып, артына қарады. Көлігін тұраққа қойып, зардап шеккендерге көмектеспек болды.
Бұл көріністі көрген желі қолданушылары әйелдің ерлігіне таңырқады. Баласы үшін ерлік жасаған ананың әрекеті көпшіліктің көңілін босатты.
