6,1 балл болатын жер сілкінісі Пәкістан шекарасына жақын орналасқан Хуст қаласынан шамамен 44 шақырым жерде болған.
ERNUR.KZ. Ауғанстанда жойқын жер сілкінісінен шамамен 130 адам қайтыс болды, - деп жазады Tengrinews.kz.
6,1 балл болатын жер сілкінісі Пәкістан шекарасына жақын орналасқан Хуст қаласынан шамамен 44 шақырым жерде болған. АҚШ геологиялық қызметінің мәліметінше, ол 51 шақырым тереңдікте орналасқан.
Ел билігі қазір тексеріс жұмыстары жүргізіліп жатқанын айтқан. Талибан әкімшілігі Апат министрлігінің басшысы Мохаммед Нассим Хаккани қайтыс болғандардың көпшілігі Пактика провинциясында екенін, онда 255 адам қаза тауып, 200 адам жарақат алғанын айтқан.
EMSC мәліметінше, Пәкістанда, Ауғанстанда және Үндістанда 119 миллионға жуық адам дүмпуді сезген. Ауған бұқаралық ақпарат құралдары қираған үйлердің суреттерін жариялап жатыр.
