"Аян берді!": Қырғыз қызы өзін Мұхаммед пайғамбардың ізбасарымын дейді

0
182

2015 жылы оған аян беріліпті. Түсінде оның маңдайына "Махди" деген сөз жазылып, қасына қара, үлкен мөр басылыпты.


ERNUR.KZ. Бішкек тұрғыны Мээрим Черикбаева өзін қазір бүкіл әлем аңтарылып, іздеп жатқан Мұхаммед пайғамбардың ізбасары, Алланың Жер бетіне жіберген соңғы елшісі - Махди екенін айтты. Ол бұл туралы 19 қыркүйекте арнайы өткен баспасөз мәслихатында мәлім етті, деп жазады Zakon.kz.

Оның жасы 33-те. Ол ел қатарлы біреуден ілгері, біреуден кейін өмір сүріп жатқан. Бірақ 8 жыл бұрын ол бегісіз дертке шалдығып, қатты ауырады. Дәрігерлер оған нақты диагноз қоя алмаған. Осы уақыт аралығында қыз ешкіммен сөйлеспей, тіпті жұмыс істеуге жарамай қала сыртына көшуге мәжбүр болыпты.

2015 жылы оған аян беріліпті. Түсінде оның маңдайына "Махди" деген сөз жазылып, қасына қара, үлкен мөр басылыпты.

"Ондай мөрді маған ғана басқан, сол кезден бастап мен Махдидің аурасымен өмір сүремін. Бұрын намаз оқушы едім, қазір оны қойып кеттім. Сол түсті көргеннен кейін. Намаз оқып жүргенімде маңдайымнан жарық сәуле шығатын. Қазір ол жоғалып кетті", — дейді Мээрим.

Ол өзінің 8 жыл бойына жападан-жалғыз тұрғанын айтады. Махди аурасы берілгелі ол тіпті, достарымен де, туған-туыстарымен де сөйлесуді қойған. Өйткені ол көз тие ме деп қорқады екен, сондықтан адамдарға көп жақындай алмайды.
"Мен ары қарай тығыла алмаймын! Менің міндетім – айту. Оны енді ел шешсін, басқа Махди енді болмайды!", деп салды ол баспасөз мәслихатында.

Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет