Азияда «пандемиядан кейінгі» болашақтың қаласы салынады

0
245

Аумақты BiodiverCity деп атау және құрылыс жұмыстарын 2030 жылға қарай аяқтау жоспарланған.


Азияда «пандемиядан кейінгі» болашақтың қаласы салынады

ERNUR.KZ. O2 Design Atelier малайзиялық бюросының сәулетшілері Азияда болашақтың «пандемиядан кейінгі» қаласын салуды жоспарлады. Олардың тұжырымдамасының негізінде кеңістікті тігінен дамыту жатыр, деп жазады azattyq-ruhy.kz.

Идея бойынша, қалада биік қадауларға сүйеніп, ұшатын капсулалардан тұратын бірнеше мұнаралар салынады. Ал барлық ғимараттар көпірлер желісімен өзара байланысып тұрады. Жобаны әзірлеушілер ағаштардың өсуіне мүмкіндік беру үшін оларды мүмкіндігінше жоғары көтеруді жоспарлап отыр. Осылайша табиғатты «бастапқы күйіне» қайтарып, ормандарды толтырмақ.

«Жыл сайын біздің планетамызда орман мильдері жоғалып кетеді, бұл әр минут сайын 48 футбол алаңына тең аумақты жоғалтумен тең», — дейді сәулетшілер.

Қаланың инфрақұрылымына келетін болсақ, әр мұнарада дүкендер, спорт кешендері мен іс-шараларға арналған алаңдар орналасады. Адамдар олардың арасында капсулалар арқылы қозғалады. Биік ғимараттардың төменгі деңгейлерінде әзірлеушілер пандемия жағдайында адамдарды орналастыра алатын медициналық орталықтарды ұсынды.

2020 жылдың тамызында Дания-Малайзия сәулет бюросының тобы Малайзияда болашақ аралдарын салуға және жағажайларды, саябақтарды, білім беру орталықтарын, сондай-ақ су, әуе және жерүсті көліктерін жабдықтау туралы шешім қабылдады. Аумақты BiodiverCity деп атау және 2030 жылға қарай жұмысты аяқтау жоспарланған. Идея бойынша, аралдарда адамдар табиғатпен үйлесімде өмір сүреді.

Пікір қалдыруыңыз үшін сайтқа кіруіңіз қажет