Балаларына кока-кола ішкізген әке қамауға алынды

0
633

Бала-шағасын кока-кола және бәлішпен ғана тамақтандырған ер адам үш айға қамауға алынды


Балаларына кока-кола ішкізген әке қамауға алынды

ERNUR.KZ. Францияның Лимож қаласында екі ұлын кока-кола және бәлішпен ғана тамақтандырған тұрғын үш айға қамауға алынды, деп жазады sputniknews.kz.

Сотталушы оқып-жаза білмейді. Әйел және бала-шағасына үнемі қол көтереді екен. Өзі мемлекеттік жәрдемақыға ғана күнелтеді.

"Үйлерінде тоңазытқыш жоқ, балалар жамылғысыз матрастың үстінде ұйықтайды", — деді айыптаушы сот кезінде.

Ер адам бар ақшаны ішімдікке жұмсап қойғандықтан, балалары бірнеше күн кока-кола ғана ішіп жүрген. Әрі мұндай жайт жиі қайталанады екен.

"Әкесі балаларға бәліш пен кока-кола ғана берген", — деп мәлімдеді айыптаушы.

Қант көп жегендіктен үлкен ұлының төрт жасында жеті тісін суырып алып тастауға тура келіпті. Екінші ұлы үш жаста, бірақ әлі күнге дейін тілі шықпаған.

2017 жылы Францияда тегін газдалған сусынға тыйым салынды. Заңға сәйкес, қоғамдық тамақтану орындарында тәтті газдалған сусынды шектеусіз мөлшерін тегін таратуға немесе ақшаға сатуға тыйым салынған. Бұл семіздікпен күрес мақсатында қабылданыпты.


Айтар жаңалығыңыз, бөлісер оқиғаңыз болса, +77752327733 whatsapp нөміріне жіберіңіз

Пікір қалдыруыңыз үшін сайтқа кіруіңіз қажет