2001 жылдың қарашасында ғылыми кеңес Бангкокты ресми атау ретінде пайдалану туралы шешім қабылдады.
ERNUR.KZ. Тайланд билігі Бангкок қаласының ресми атауын өзгерту туралы шешім қабылдады, деп жазады Zakon.kz.
Енді Таиланд астанасы ресми түрде «Крунг Тэп Маха Накхон» деп аталмақ. Бұл дегеніміз «Періштелер қаласы Ұлы астана» дегенді білдіреді. Бұл туралы ведомство таратқан мәлімдемеде айтылған.
Екі атауды да қолдануға болады – Бангкок пен Крунг Тэп Маха Накхон – делінген құжатта.
Корольдік ғылыми кеңесі халықаралық географиялық атаулар сөздігіндегі елдердің, аумақтардың, әкімшілік аймақтардың және астаналардың емлесін қазіргі жағдайға сай етіп жаңартып қойған. Егер Крунг Тэп Маха Накхон астананың ресми шетелдік атауы болса, онда Бангкок жақшаға алынады.
Айта кетейік, Таиландтың астанасы әрқашан тай тілінде Крунг Тэп Маха Накхон ретінде белгілі. Ал ағылшын тілінде тарихи түрде Бангкок болған. 2001 жылдың қарашасында ғылыми кеңес Бангкокты ресми атау ретінде пайдалану туралы шешім қабылдады.
